Sual: - Əgər mənim məzuniyyət günlərim iki  aya düşürsə və hər aya düşən günlərə görə hesablanmış məbləğdən ayrıca vergi tutulursa, həmçinin müəssisənin maddi vəziyyəti ilə əlaqədar mənə məzuniyyət qabağı ödənş edilmirsə, o zaman  müəssisənin maddi durumu yaxşılaşan vaxt əvvəlcə qeyd olunan hər ay üçün  hesablanmış əmək haqqı ilə məzuniyyət pulu  (hər aya düşən hissəsi) birləşdirilib mənə ödənilə bilərmi?

Arif

Cavab: - Qeyd etdiyiniz kimi məzuniyyət haqqı işçiyə məzuniyyətə getməmişdən 3 gün əvvəl hesablanılıb ödənilməlidir. Həmçinin, bildirim ki, İnzibati Xətalar Məcəlləsinə əsasən inzibati cərimə məzuniyyətin verilməməsinə, düzgün hesablanılmamasına, təmin olunmamasına görə tətbiq olunur. Bu o deməkdir ki, məzuniyyət haqqının gec verilməsinə görə cərimə və ya maliyyə sanksiyası nəzərdə tutulmayıb. Düzdür, burada faktiki olaraq işçinin hüquqları pozulur, amma qeyd etdiyiniz kimi maliyyə çətinliyi ilə əlaqədar olaraq sonradan məzuniyyət haqqını, əməkhaqqını  birləşdirib vermək mümkündür.