Sınaq müddətində işçinin əmək qabiliyyətini itirməsi onun sınaq müddətinin vaxtına təsir edir?

Sual: Mənimlə əmək müqaviləsi bağlanarkən mənə 3 aylıq sınaq müddəti təyin olunub. Mən xəstə olduğum üçün bir həftə işə çıxa bilmədim. Bu müddət həmin sınaq müddətinə daxil edilməlidirmi?
Cavab: Xeyr. Azərbaycan Respublikasının Əmək Məcəlləsinin 51.2-ci maddəsinə əsasən, sınaq müddəti işçinin faktiki olaraq əmək funksiyasını icra etdiyi iş vaxtından ibarətdir və işçinin əmək qabiliyyətini müvəqqəti olaraq itirdiyi, habelə iş yeri və orta əmək haqqı saxlanılmaqla işdə olmadığı dövrlər sınaq müddətinə daxil edilmir.