QHT-lərdə əmək haqqının artırıb-azalması halını necə tənzimləmək və rəsmiləşdirmək lazımdır?

Dövlət Əmək Müfəttişliyi Xidməti cavablandırır

Sual. Mənim sualım QHT-lərin fəaliyyətilə bağlıdır. İşçi bir layihədə müqavilə ilə çalışır və 200 manat əmək haqqı alır. Bir neçə aydan sonra donor təşkilat maliyyəni azaldır və tələb edir ki, işçinin əmək haqqı 100 manata endirilsin. Bunu necə sənədləşdirmək olar: əmək müqaviləsində dəyişikliklə, yoxsa əmrlə?

Əyyub Hüseynov
Cavab. İşçinin peşəsi, ixtisası və vəzifəsi saxlanılmaqla işəgötürənə işçinin əmək şəraitinin şərtlərinin dəyişdirməsinə icazə verilir. Əmək Məcəlləsinin 56-cı maddəsinin tələblərinə əsasən, işəgötürən əmək şəraitinin şərtlərini (o cümlədən, əmək haqqını) dəyişdirməzdən azı bir ay əvvəl işçini yazılı məlumat və əmrlə xəbərdar etməlidir. Əgər işçi yeni əmək şərtləri ilə razı deyilsə, başqa iş təklif olunmalı, bu mümkün olmadıqda isə Əmək Məcəlləsinin 68-ci maddəsinin “c“ bəndinə uyğun olaraq əmək müqaviləsinə xitam verilə bilər.