ƏLAVƏ İŞ HAQDA MƏLUMATLAR ƏMƏK KİTABÇASINA İŞLƏNİLƏ BİLƏR?

Sual: Əvəzçiliklə görülən işin əmək kitabçasında qeyd edilməsi mümkündürmü? Mümkündürsə, bu, necə aparılmalıdır?

Cavab: İşçi əvəzçiliklə işlədiyi müəssisədə bağladığı əmək müqaviləsini əsas iş yerinə təqdim etməklə (sonradan əslini götürə bilər, surəti isə əsas iş yerində qalmalıdır) əlavə iş yerində işlədiyi haqqında məlumatları əmək kitabçasına qeyd etdirə bilər. Məsləhət bilərdim ki, bu zaman əsas iş yerində əmək kitabçasında qeydləri aparan şəxs onların doğruluğunu təsdiqləmək üçün əlavə iş yeri ilə hər hansı bir formada əlaqə saxlasın, əmrdən çıxarışı və digər sənədləri tələb etsin.