Əhaliyə xidmət göstərən hansı vergi ödəyiciləri sadələşdirilmiş vergi ödəyicisi ola bilməyəcəklər

Mks.az saytının eksperti Qalib Toğrulun Təqdimatında

Vergi Məcəlləsinə nəzərdə tutulan dəyişkiliklərdə konkret qadağalar nəzərdə tutulub ki, kimlər sadələşdirilmiş vergi ödəyicisi ola bilməzlər. Bura topdansatış ticarət, işçi sayı beşdən artıq olan istehsalat fəaliyyəti, zərgərlik və xəz-dəri məmulatlarının satışını həyata keçirənlər, aksizli və məcburi nişanlama ilə nişanlanmalı olan mallar istehsal edən şəxslər, kredit təşkilatları, sığorta bazarının peşəkar iştirakçıları, investisiya fondları və bu fondların idarəçiləri, qiymətli kağızlar bazarında lisenziyalaşdırılan şəxslər, lombardlar və digərləri daxildir. Bunların üzərində geniş dayanmaq istəmirəm, çünki bu haqda mətbuatda geniş məlumat verilib.

Yeni dəyişikliklərdən sonra məqsəd əsasən vergi ödəyicisi kimi vergi orqanında uçotda olmayan şəxslərə (əhaliyə) xidmət göstərən, satış edən şəxslərin sadələşdirilmiş vergi ödəyicisi olmasını təmin etməkdir.
Ancaq elə başa düşülməlsin ki, əhaliyə satış edən və ya xidmətlər göstərən bütün pərakəndə satıcılar və ya xidmət göstərənlər sadələşdirilmiş vergi ödəyicisi ola bilərlər.
Məsələn, yeni tələblərə görə, əczaçılıq aptekləri, baytarlıq aptekləri, özəl tibb xidməti göstərən klinikalar (stomkabinetlər, klinikalar və sair), sürətli poçt xidmətilə məşğul olanlar, baytarlıq təbabətilə məşğul olanlar, parklarda atraksion işlədənlər, möhür-ştamp hazırlayanlar və digərləri illik dövriyyələri 200 min manatdan aşağı olsa belə, sadələşdirilmiş vergi ödəyicisi ola bilməyəcəklər.

"Kargüzarlıq: A-dan Z-yə" kitabı ARTIQ SATIŞDA + CD diski (qanunvericilik və nümünələr)