Vergi imtahanları uğurla başa vuranlar üçün VACİB XƏBƏR

Vergilər Nazirliyinin 1 dekabr 2017-ci il və 30 aprel 2018-ci il tarixli elanları əsasında dövlət vergi orqanlarına işə qəbulla əlaqədar keçirilən müsabiqə üzrə uğur qazanmış namizədlər Vergilər Nazirliyinin 24 iyun 2014-cü il tarixli 1417040100819300 nömrəli əmri ilə təsdiq edilmiş “Dövlət vergi orqanlarına işə qəbulla əlaqədar sənədlərinin toplanması, yoxlanılması, müsabiqənin keçirilməsi, ehtiyat kadrların formalaşdırılması və idarə edilməsi Qaydaları”nın 11-ci bəndinə müvafiq olaraq aşağıda qeyd olunan sənədləri 13-17 avqust 2018-ci il tarixlərdə Vergilər Nazirliyinin inzibati binasına təhvil verilməsini təmin etməlidirlər:

-       Şəxsiyyət vəsiqəsinin surəti;

-       Tərcümeyi-hal (blank Vergilər Nazirliyi tərəfindən verilir);

-       Kadrların şəxsi uçot vərəqəsi (blank Vergilər Nazirliyi tərəfindən verilir);

-       4x6 ölçüdə 2 ədəd, 9x12 ölçüdə 1 ədəd ağ fonda kağız daşıyıcıda və 3x4 elektron daşıyıcıda (kişilər kostyumda və qalstukda) fotoşəkil;

-       Ali təhsil barədə diplomun notarial qaydada təsdiq olunmuş surəti (xarici ölkədə təhsil almış namizədlərin diplomları müvafiq qaydada notarifikasiya olunmalıdır);

-       Əmək kitabçasının təsdiq olunmuş surəti (son iş yeri barədə qeyd olması şərti ilə) və ya əmək fəaliyyətinin olmadığı haqqında arayış;

-       Yaşadığı yerin poliklinkasından sağlamlıq barədə arayış;

-       Narkoloji dispanserindən qeydiyyatda olub-olmama barədə arayış;

-       Yaşadığı ünvan və ailə tərkibi barədə arayış;

-       Nikah və ya boşanma haqqında şəhadətnamənin, uşaqların doğum haqqında şəhadətnamələrin surətləri;

-       Hərbi biletin qeyd aparılmış bütün vərəqlərinin surəti.

Qeyd: Kadrların şəxsi uçot vərəqəsi və tərcümeyi-hal blankını 13 avqust 2018-ci il tarixdən etibarən nazirliyin inzibati binasından götürə bilərlər.

MÜHASİBAT UÇOTU 2018 YENİDƏN İŞLƏNİLMİŞ IV NƏŞR SATIŞDA

Mühasiblərin stolüstü kitabı:  - Standartların sadə dildə izahı, 1000-dən çox müqayisəli müxabirləşmə