QURBAN BAYRAMINIZ MÜBARƏK!
"Monitor Konsaltinq Servis" MMC olaraq bütün oxucularımızı "Qurban" Bayramı münasibətilə təbrik edirik. İnanırıq ki, oxucularımız Qurban Bayramında olduğu kimi hər zaman kasib və yoxsullara əl tutur.
ŞER
İki qonşu bir-birinin milləti,
Hər ikisi bir peyğəmbər ümməti,
Biri kəsir qurban, bişirir əti,
Bayram edir Xəlilüllah eşqinə,
O biri də baxır allah eşqinə.
Bu qonşunun oğlu geyir, sallanır,
Qalstuku taxır, qıraxmallanır,
Atası da ona baxır hallanır,
Fəxr eləyir Xəlilüllah eşqinə,
Əl cibə salmayır allah eşqinə.
Görürsənmi bizim Hacı Pirini,
Paylamayır ətin ondan birini,
Qonşu sorur barmağının kirini,
Hacı yeyir Xəlilüllah eşqinə,
Yatır, şişir, köpür allah eşqinə.
M.Ə.SABİR
0 Komment
Şərh yazın