Metro işləmır və şəhərin bəzi yerlərində tıxacın ucu-bucağı bilinmir

Bu gün paytaxtın böyük hissəsində elektrik kəsilib. “Qafqazinfo” xəbər verir ki, hadisə səhər saatlarında 6-7 radələrində olub. Elektrikin kəsilməsi nəticəsində metro qatarları tunellərdə qalıb və bu böyük təşvişə səbəb olub. Sərnişinlərin “Qafqazinfo”ya verdiyi məlumata görə onlar tunellərdə qalmalı olublar. Metro qatarlarının hərəkəti hələ də bərpa olunmayıb.

Metronun işləməməsi Bakıda böyük tıxacın yaranmasına da səbəb olub. Hal-hazırda metronun Koroğlu stansiyası istiqamətində bütün yollar tıxacdır. Hətta həmin ərazidəki körpülərin üstü avtomobillərlə doludur. Sərnişinlərin Qafqazinfoya verdiyi məlumata görə, hazırda tıxac Şəfa stadionundan Zabrat yoluna qədər uzanır.