Tbilisidə "Dirsiçala" adlı yeni rayonu hansı Azərbaycan şirkəti tikəcək?

Tbilisidə "Dirsiçala" adlı yeni rayonun tikintisinə başlanılır. Trend-in məlumatına görə, rayonu Kürün sahilində Azərbaycanın "AS Group Investment" şirkəti inşa edəcək.
Tikinti işlərində 2 minə yaxın insan çalışacaq, kompleks istismara verildikdən sonra isə burada 1500 Tbilisi sakini işləyəcək.
Ərazidə ictimai-işgüzar tikililər, istirahət zonaları, uşaq və idman meydançaları, ticarət və əyləncə mərkəzləri olacaq. Komleksdə həmçinin iki məktəb və eyni sayda uşaq bağçasının tikintisi nəzərdə tutulub.

Mənzillər istismara tam yararlı vəziyyətdə - sanitariya texnikası, mətbəx, telefon və internetlə bərabər satılacaq. Mənzil almaq istəyənlər 8 faizlik ipoteka kreditindən yararlana biləcəklər.