Abituriyentlərin Bakı Ali Neft Məktəbinə marağı böyük olub

“I qrupda 600-dən çox bal toplayanların böyük əksəriyyəti Bakı Ali Neft Məktəbini seçib”.

Lent.az-ın məlumatına görə, bunu keçirdiyi mətbuat konfransında Tələbə Qəbulu üzrə Dövlət Komissiyasının sədri Məleykə Abbaszadə bildirib. TQDK sədrinin sözlərinə görə, adı çəkilən ali məktəbə 100 nəfərlik plan yeri ayrılıb: “Lakin 600-dən çox bal toplayan abituriyentlərin istəyi nəzərə alınaraq əlavə 20 nəfər də adıçəkilən məktəbə yerləşdirilib”.

Qeyd edək ki, bu ali təhsil müəssisələrinə keçirilən qəbul imtahanlarında I qrup üzrə keçid balı 150-yə endirilib.