TQDK ali məktəbə bu il qəbul olunan tələbələrin adları hansı tarixdə açıqlayacağını bildirdi

Bu barədə Tələbə qəbulu üzrə Dövlət Komissiyasının (TQDK) sədri Məleykə Abbaszadə avqustun 10-da keçirdiyi mətbuat konfransında deyib

Bu günə qədər 14162 abituriyent ixtisas seçimi edib. Modern.az xəbər verir ki, bu barədə Tələbə qəbulu üzrə Dövlət Komissiyasının (TQDK) sədri Məleykə Abbaszadə avqustun 10-da keçirdiyi mətbuat konfransında deyib. O qeyd edib ki, ixtisas seçimi edənlərdən 12313-ü Azərbaycan, 1849-u rus bölməsinin abituriyentləridir. Ərizəsini təsdiq edənlərdənI qrup üzrə 4968, II qrup üzrə 3150, III qrup üzrə 4646, IV qrup üzrə isə 1398 nəfərdir.

Məleykə Abbaszadə bildirib ki, ixtisas seçiminin nəticələri avqustun 17-18-də açıqlanacaq. Ali məktəblərə qəbul olunmuş abituriyentlərin qeydiyyatınaisə  avqustun 20-dən başlanacaq.

Qeyd edək ki, 2012-2013-cü il tədris ili üçün Azərbaycanın ali təhsil müəssisələrinə keçirilmiş qəbul imtahanlarının nəticələrinə əsasən abituriyentlərin ixtisas seçimi avqustun 7-də başlayıb, ayın 16-dək davam edəcək.