Qazax rayonunun kəndindən olan şəxs II qrup üzrə 700 bal topladı

II ixtisas qrupu üzrə qəbul imtahanlarının nəticələri açıqlandı

Tələbə Qəbulu üzrə Dövlət Komissiyası 2012/2013-ci tədris ili üçün Azərbaycan Respublikası ali təhsil müəssisələrinə və tam orta təhsil bazasından (11 illik) orta ixtisas təhsili müəssisələrinə  II ixtisas qrupu üzrə keçirdiyi sonuncu qəbul imtahanlarının nəticələrini açıqlayıb.

TQDK-nın mətbuat xidmətinin rəhbəri Elnur Nağızadənin Modern.az-a verdiyi məlumata göə, II qrup imtahanlarında iki abituriyent maksimum nəticə əldə edərək 700 bal toplayıb. Modern.az-ın xəbər verdiyi kimi 700 bal toplayan abituriyentlərindən biri Türkiyə Diyanət Vəqfi  Bakı Türk Liseyinin məzunu  Nərgiz Məzahirqızıdır.
II qrup üzrə 700 bal toplayab digər abituriyent isə Qazax rayonun Ürkməzli kənd sakini Səfərov Orxan Arif oğludur.
Qeyd edək ki, bu il ali məktəblərə keçirilən qəbul imtahanlarında ümumilikdə 5 nəfər bütün suallara düzgün cavab verərək 700 bal toplayıb.
III qrup üzrə rekord göstəricini Sabunçu rayon 72 saylı məktəb-liseyin məzunu Əliyeva Xeyransə Rafiq qızı əldə edib.
 IV qrup üzrə isə iki abituriyent 700 bal toplayıb. Onlar Türkiyə Diyanət Vəqfi  Bakı Türk Liseyinin məzunları Kamran Həmidov və Kamil Sərdarlıdır.