Tələbə Qəbulu üzrə Dövlər Komissiyasının sədri Məleykə Abbaszadə valideynlərə çağırış edib. Trend-in məlumatına görə, cümə günü keçirilən mətbuat konfransında Abbaszadə valideyinləri ixtisas seçimi ilə övladlarına təzyiq göstərməməyə çağırıb.

TQDK sədri qeyd edib ki, abituriyentin yüksək bal yığdığına görə, onun istədiyi yox, digər yüksək ballı ixtisas seçməsi şərt deyil.

 

Abbaszadə vurğulayıb ki, valideynlər imtahanlarda bal toplamış uşaqların fikrini öyrənməlidirlər.

Komissiya sədri həmçlinin deyib ki, bəzi ixtisas qruplarında keçid balının aşağı salınması abituriyetlərə təhsil almaq üçün şans yaratmaq məqsədi daşıyır.

Onun sözlərinə görə, hazırda fəaliyyəti dayandırılan bəzi qeyri-qanuni ali təhsil müəssisələri ötən illərdə aşağı balla qəbul elan edirdilər, sonradan isə həmin şəxsləri diplomla təmin edə bilmirlər.

"Biz aşağı bal toplayan abituriyentləri qanuni yolla təsərrüfat sahəsində olan ixtisasları seçməyi tövsiyə edirik", - o deyib