Uşaqlar üçün ən yaxşı ölkələrin siyahısı açıqlanıb: Azərbaycan 141 ölkə arasında 87-ci yerdədir

Save The Children təşkilatı 2012-ci il üzrə Uşaq İnkişafı İndeksi haqqında hesabat yayıb.
Hesabatda bildirilir ki, son 10 ildə ilk dəfə olaraq aclıq çəkən uşaqların sayı artıb.
Hesabatda uşaqlar üçün ən yaxşı və ən pis ölkələr yer alıb. Bu, məktəbə gedən uşaqların sayı, uşaqlar arasında ölüm faizi və çəki azlığı göstəriciləri ilə müəyyənləşdirilib.

Uşaqlar üçün ən pis ölkə Somalidir. Keçən il bu ölkədə baş verən ərzaq böhranı nəticəsində on minlərlə uşaq ölüb. Yüz minlərlə uşaq isə evlərindən didərgin düşüb.
Uşaqlar üçün ən yaxşı ölkələr siyahısının ilk onluğu belədir - Yaponiya, İspaniya, Kanada, İtaliya, Finlandiya, İslandiya, Fransa, Böyük Britaniya, Almaniya və Norveç.
141 ölkə arasında Azərbaycan 87, Ermənistan 68, Gürcüstan isə 43-cü yerdədir. Rusiya 37, İran 60-cıdır.