Azərbaycanda bu günə kimi 2 min elektron imza alınıb. “APA-ECONOMICS”in xəbərinə görə, bunu Rabitə və İnformasiya Texnologiyaları Nazirliyinin elektron imza layihəsinin rəhbəri Nadir Rəsulov bildirib.

Onun sözlərinə görə, elektron imzaları alanların əksəriyyəti dövlət qulluqçularıdır. Lakin bu prosesə daha geniş təbəqələrin qatılması gözlənilir. Belə ki, müxtəlif dövlət qurumları tərəfindən “Elektron hökumət” layihəsi çərçivəsində elektron xidmətlərin təqdim edilməsi elektron imzaların alınması prosesinə böyük stimul olacaq.