Tələbə Qəbulu üzrə Dövlət Komissiyasının sədri Məleykə Abbaszadə bu gün keçirdiyi mətbuat konfransında ölkə üzrə orta ümumtəhsil məktəblərində keçirilmiş buraxılış imtahanları zamanı baş vermiş qanun pozuntularından danışıb.

 Lent.az-ın məlumatına görə, M.Abbaszadə bildirib ki, imtahanlardan birində 1 şagirdlə bağlı 2 arayış təqdim edilib: “Onlar bunu ona görə ediblər ki, 1 nəfər həm öz yerinə, həm də digərinin əvəzinə imtahanda iştirak etsin. Biz bu məsələ ilə bağlı hüquq-mühafizə orqanlarına müraciət edəcəyik. Mən məktəb rəhbərlərinə xəbərdarlıq edirəm ki, bir də belə hallara yol verməsinlər”.