“AZAL - Azərbaycan Hava Yolları” aviaşirkəti iyunun 1-dən oktyabrın 10-dək Bakı-Qəbələ-Bakı marşrutu üzrə birbaşa reyslər həyata keçirəcək. Bu barədə APA AzərTAc-a istinadən məlumat verir. 

Uçuşların hər həftənin cümə və bazar günləri yerinə yetirilməsi nəzərdə tutulur. Təyyarənin Bakıdan qalxma vaxtı 17.45, Qəbələ şəhərinə enmə vaxtı isə 18.30-dur.

Uçuşlar “Azərbaycan Hava Yolları”nın komfortlu ATR-72 tipli təyyarələri ilə həyata keçiriləcək. Bir tərəfə uçuş biletinin qiyməti 48 manatdır.