Azərbaycan Nazirlər Kabinetinin "Ali təhsilin magistratura səviyyəsi üzrə ixtisasların (ixtisaslaşmaların) Təsnifatı"nda etdiyi yeni dəyişiklik əsasında ölkədə dəniz və enerji hüququ sahəsi üzrə də magistr kadrları hazırlanacaq.

 

Nazirlər Kabinetindən cümə axşamı verilən məlumata görə, yeni qərarla təsnifatın "Humanitar və sosial ixtisaslar qrupu" hissəsinin "Hüquqşünaslıq" ixtisasına "Dəniz və enerji hüququ" sözləri də əlavə edib.

 

Bu dəyişiklik Təhsil Nazirliyinin təklifi əsasında edilib.