Tələbə Qəbulu üzrə Dövlət Komissiyası (TQDK) 9-cu və 11-ci siniflər üzrə buraxılış imtahanlarına hazırlaşan şagirdlərə kömək məqsədilə test tapşırığı nümunələri hazırlayıb.

Komissiyadan cümə axşamı verilən məlumata görə, nümunələr ana dili (Azərbaycan bölməsinin şagirdləri üçün Azərbaycan dili, rus bölməsinin şagirdləri üçün rus dili) və riyaziyyat fənləri üzrədir. Bundan başqa, buraxılış imtahanlarında təqdim ediləcək yazı işlərinin mövzuları müəyyənləşdirilib. Test nümunələri və yazı işi mövzuları TQDK-nın saytında yerləşdirilib.

Qeyd edək ki, buraxılış imtahanlarının keçirilməsinə iyunun 2-dən başlanacaq. İmtahan ana dili və riyaziyyat fənləri üzrə aparılacaq.