Şad xəbər! Hansı Avropa ölkəsi Azərbaycan vətəndaşları üçün viza rejimini ləğv etdi?

Xorvatiya hökuməti aprelin 1-dən oktyabrın 31-dək – yay turizm mövsümü dövründə Ukrayna, Azərbaycan, Qazaxıstan və Rusiya vətəndaşları üçün viza rejimini dayandırır. Ukrayna KİV-i xəbər verir ki, müəyyən edilmiş qaydaya əsasən, bu ölkələrin vətəndaşları birinci səfərlərinin tarixindən başlayaraq yarım il ərzində 90 gün müddətində vizasız Xorvatiyaya səyahət edə, həmçinin onun ərazisindən tranzit keçidini həyata keçirə bilərlər. Xorvatiyanın əcnəbilər üçün icbari sığortalanma tətbiq etməsi ilə əlaqədar, səfər üçün beynəlxalq tibbi sığorta polisinə malik olmaq lazımdır. Güman edilir ki, 2013-cü il iyunun 1-dən Xorvatiya Avropa İttifaqının tamhüquqlu üzvü olacaq və buna görə də, üçüncü ölkələr üçün viza rejiminin ləğvi haqqında məsələni müstəqil həll edə bilməyəcək.

"Gün.Az"