Baş bankir iki ilədək azadlıqdan məhrum edilə bilər.

 

Ankara məhkəməsinin hakimi Şərif Aydın ölkənin Mərkəzi Bankının rəhbəri Erdem Başçıya qarşı iddia irəli sürüb. Bu barədə Fins.az "Trend"-ə istinadən xəbər verir.

 

Prokuror Başçını Mərkəzi Bankın yürütdüyü səhv faiz siyasəti nəticəsində Türkiyə vətəndaşlarına ciddi maddi ziyan dəyməsində ittiham edib.

 

Prokuror qeyd edib ki, mühakimə olunacağı halda Mərkəzi Bankının rəhbəri iki ilədək azadlıqdan məhrum edilə bilər.

 

Qeyd edək ki, fevralın 10-da Prezident Rəcəb Tayyib Ərdoğan Türkiyə Mərkəzi Bankının rəhbəri Erdem Başçını tənqid edib.

 

Onun sözlərinə görə, əgər Mərkəzi Bankın rəhbəri öz işinin öhdəsindən gələ bilmirsə, onda o, buna görə məsuliyyət daşıyacaq.

 

Prezident deyib ki, hökumət Mərkəzi Bankdan dəfələrlə faiz dərəcələrinin aşağı salınmasını tələb etsə də, tənzimləyici bu günədək bu tələblərə cavab verməyib: "Ölkədəki yüksək faiz dərəcələri inflyasiya ilə deyil, inflyasiya yüksək faiz dərəcələri ilə bağlıdır".

 

Lakin Türkiyə hökuməti başçısının iqtisadi məsələlər üzrə müavini Əli Babacan Mərkəzi Bankın düzgün pul siyasəti yürütdüyünü bəyan edib.

YENİ NƏŞR: ƏMƏK QANUNVERİCİLİYİ TOPLUSU - 2015

“Monitor Konsaltinq Servis”in əməkdaşları dəyərli həmkarlarının - mühasiblərin, iqtisadçıların, hüquqşünasların çoxsaylı müraciətlərini nəzərə alaraq “Əmək qanunvericiliyi toplusu - 2015” kitabını nəşrə hazırlayıb  “Əmək qanunvericiliyi - 2015” kitabında son dəyişikliklər nəzərə alınmaqla Əmək Məcəlləsi, Nazirlər Kabinetinin əmək qanunvericiliyi ilə bağlı mühüm qərar və qaydaları, 2015-ci ilin İş və İstehsalat normaları, Əmək Məcəlləsinə edilən son dəyişikliklərin şərhi, yeni əmək müqaviləsinin nümunəvi forması daxil edilib.  Sadalananlarla yanaşı,  Dövlət Əmək Müfəttişliyi Xidmətinin 4, Dövlət Sosial Müdafiə Fondunun isə  1 aktual suala verdikləri rəsmi cavablar, əmək müqaviləsinin elektron qeydiyyatı ilə bağlı 30 mühüm sualın cavabı da kitaba yerləşdirilib.

Kitabın üzərində hədiyyə kimi verilən CD isə həmişəki kimi Sizin işinizi daha da asanlaşdıracaq. Siz  proqramdakı “Axtarış” menyusunun köməyi ilə istənilən söz və ya ifadələri başlıqda və mətnin içərisində tapa bilərsiniz. İnanırıq ki, digər nəş kirlərimiz kimi “Əmək qanunvericiliyi toplusu - 2015” kitabı da oxucular və mütəxəssislər tərəfindən rəğbətlə qarşılanacaq və iqtisadçıların stolüstü kitabına çevriləcək.

Kitabı əldə etmək üçün əlaqə vasitələrinizi [email protected] email adressinə vəya 012-437-32-67 və ya 050-265-72-65 saylı telefonla bildirərdiniz ki, kitabı ödənişsiz olaraq Sizə çatdıraq.