Evlərin qiyməti ilə bağlı açıqlama

 

İlin sonuna Bakının daşınmaz əmlak bazarında qiymətlər 6 faiz, mənzil bazarında isə 15-16 faiz artacaq. Bunu Trend-ə "MBA Group" konsaltinq şirkətinin baş direktoru Nüsrət İbrahimov deyib.

 

Onun sözlərinə görə, cari ilin əvvəlindən paytaxtda daşınmaz əmlakın qiymətləri 4,12 faiz, mənzilin qiymətləri isə 15 faiz artıb.

 

N.İbrahimov qeyd edib ki, iyulda daşınmaz əmlak bazarında qiymətlər 2,06 faiz, mənzil bazarında isə 3,03 faiz azalıb.

 

Onun sözlərinə görə, ötən illə müqayisədə qiymətlər xeyli artıb, bununla əlaqədar alıcılar, demək olar, bazarı tərk ediblər: "Buna görə də bazarın fəallığı çox aşağı düşüb ki, bu da öz növbəsində mənzilin qiymətlərinin azalmasına səbəb olub".

 

N.İbrahimov əlavə edib ki, qiymətlərin azalması, həmçinin ilkin və təkrar bazarlarda, müvafiq olaraq, 5,7 faiz və 1,43 faiz təşkil edib.

 

Ekspert bildirib ki, payızda Bakıda daşınmaz əmlakın qiymətlərinin 3-4 faiz artması gözlənilir.

 

“Monitor Konsaltinq” jurnalı –  aylıq iqtisadi xəbərləri və maraqlı sualları özünə cəmləşdirən jurnal

Jurnalda vergi, əmək, sosial qanunvericilikdə baş verən dəyişikliklər operativ olaraq ekspertlərimiz tərəfindən təhlil edilir. Bundan əlavə, jurnalımızın eksperti, sərbəst auditor Altay Cəfərov,  Amerikalı psixoloq Susan McAninch və Dövlət Əmək Müfəttişliyinin ekspertləri oxucuları maraqlandıran sualları cavablandırırlar.

                                                                                           

"Monitor Konsaltinq" jurnalının illik abunə haqqı 50 manatdır. Həmin qiymətə jurnalın 12 sayının operativ surətdə istənilən ünvana çatdırılması da daxildir. 30 manat ödəməklə jurnalın 6 sayını da əldə edə bilərsiniz.

Regionlar üçün abunənin şərtləri eynidir. Jurnala abunə olmaq üçün 012-437-32-67 və ya 050-265-72-65 saylı telefonla və ya  [email protected]  email adresinə istəyinizi bildirməyinizi xahiş edirik.