Bakıdan birbaşa Nyu-Yorka təyyarə ilə getməyin qiymətləri açıqlandı.

 

Azərbaycan Hava Yolları (AZAL) şirkətinin təyyarələri ilə Bakıdan Nyu-Yorka uçuş qiymətləri açıqlanıb. Səyyah.az-ın məlumatına görə, Azərbaycandan Amerikanın biznes paytaxtına birbaşa uçmaq istəyənlər bir tərəfli reysə görə, azı 615 manat ödəyəcəklər (qiymətlər sentyabrın 24-də nəzərdə tutulmuş ilk reys üçündür). Belə ki, Bakı- Nyu-York biletləri "ekonom" salonu üçün bir tərəfə 615 manat təşkil edir.

2-11 yaşlı uşaqlar üçün uçuş qiyməti təqribən 483 manat təşkil edir, 2 yaşına qədər uşaqlar üçün isə əlavə olaraq cəmi 52 manat ödəmək tələb olunur.

Nyu-Yorka "biznes" salonda uçmaq istəyənlər isə "ekonom" salondan təqribən 3 dəfə artıq vəsait ödəməli olacaqlar. Belə ki, bir nəfərin bir tərəfə uçuşu 1676 manata başa gələcək.

"Biznes" salonda 2-11 yaşlı uşaqların Nyu-Yorka uçuşu 1282 manata, 2 yaşına qədər uşaqlar üçün isə cəmi 157 manata başa gələcək.

"AZAL"la Bakıdan Nyu-Yorka uçuş müddəti 12,5 saat təşkil edəcək. Belə ki, Bakıdan sentyabrın 24-də səhər saat 6-00-da yola düşən təyyarə Nyu-Yorka səhər saat 9-30-da çatacaq. Nyu-Yorkdan yerli vaxtla saat 11.30-da qalxan təyyarə isə Bakıya növbəti gün saat 8-00-da çatacaq.

 

“Monitor Konsaltinq” jurnalı –  aylıq iqtisadi xəbərləri və maraqlı sualları özünə cəmləşdirən jurnal

Jurnalda vergi, əmək, sosial qanunvericilikdə baş verən dəyişikliklər operativ olaraq ekspertlərimiz tərəfindən təhlil edilir. Bundan əlavə, jurnalımızın eksperti, sərbəst auditor Altay Cəfərov,  Amerikalı psixoloq Susan McAninch və Dövlət Əmək Müfəttişliyinin ekspertləri oxucuları maraqlandıran sualları cavablandırırlar.

                                                                                           

"Monitor Konsaltinq" jurnalının illik abunə haqqı 50 manatdır. Həmin qiymətə jurnalın 12 sayının operativ surətdə istənilən ünvana çatdırılması da daxildir. 30 manat ödəməklə jurnalın 6 sayını da əldə edə bilərsiniz.

Regionlar üçün abunənin şərtləri eynidir. Jurnala abunə olmaq üçün 012-437-32-67 və ya 050-265-72-65 saylı telefonla və ya  [email protected]  email adresinə istəyinizi bildirməyinizi xahiş edirik.