Londona səfər etmək istəyənlər üçün VACİB XƏBƏR

Böyük Britaniyanın Azərbaycandakı Səfirliyi facebook səhifəsində açıqlama verdi

Azərbaycan vətəndaşlarına Böyük Britaniyaya vizaların verilməsi ilə məşğul olacaq şirkətin adı açıqlanıb. 2014-cü ilin mart ayından etibarən Böyük Britaniyanın Azərbaycandakı Səfirliyinin yeni işgüzar partnyoru Teleperformance LLC Azərbaycanda Viza Müraciət Mərkəzinin idarəetməsi ilə məşğul olacaq. Trend-in məlumatına görə, bu barədə Böyük Britaniyanın Azərbaycandakı Səfirliyinin facebook səhifəsində bildirilib.

Məlumatda bildirilib ki, Viza Müraciət Mərkəzinin fəaliyyət saatlarında müəyyən dəyişiklik ediləcək. Belə ki, iş saatları bazar ertəsindən cümə gününədək davam edəcək.
Məlumatda bildirilir ki, viza müraciətləri barədə qərar Böyük Britaniya Vizaları və İmmiqrasiya agentliyinin İstanbuldakı mərkəzi tərəfindən veriləcək.
Müraciətlərə baxılma müddətinə heç bir dəyişiklik edilməyəcəkdir. 90% qeyri-məskunlaşma viza müraciətlərinə 15 iş günü və 95% məskunlaşma müraciətlərinə isə 12 həftə ərzində baxılacaqdır.

“Monitor Konsaltinq” jurnalı –  aylıq iqtisadi xəbərləri və maraqlı sualları özünə cəmləşdirən jurnal

Jurnalda vergi, əmək, sosial qanunvericilikdə baş verən dəyişikliklər operativ olaraq ekspertlərimiz tərəfindən təhlil edilir. Bundan əlavə, jurnalımızın eksperti, sərbəst auditor Altay Cəfərov,  Amerikalı psixoloq Susan McAninch və Dövlət Əmək Müfəttişliyinin ekspertləri oxucuları maraqlandıran sualları cavablandırırlar.

"Monitor Konsaltinq" jurnalının illik abunə haqqı 50 manatdır. Həmin qiymətə jurnalın 12 sayının operativ surətdə istənilən ünvana çatdırılması da daxildir. 25 manat ödəməklə jurnalın 6 sayını da əldə edə bilərsiniz.

Regionlar üçün abunənin şərtləri eynidir. Jurnala abunə olmaq üçün 012-437-32-67 və ya 050-265-72-65 saylı telefonla və ya  [email protected]  email adresinə istəyinizi bildirməyinizi xahiş edirik.