DSMF-dən əməkhaqqından məcburi sığorta haqqının hesablanması ilə YENİ TƏKLİF

 Əməkhaqqı nə qədər çox olarsa, işəgötürənin ödənişi az, işçinin ödənişi isə çox olacaq..

Dövlət Sosial Müdafiə Fondu (DSMF) işəgötürənlərin və işçilərin Fonda ödədiyi icbari sosial sığorta üzrə ödənişlər arasında nisbəti dəyişdirməyi təklif edir. Trend-in məlumatına görə, bunu çərşənbə günü DSMF sədri Elman Mehdiyev Xəzər-Avropa İnteqrasiya İşgüzar Klubunun (CEIBC) üzv şirkətləri ilə görüşdə deyib.
Onun sözlərinə görə, DSMF, Əmək və Əhalinin Sosial Müdafiəsi, habelə Vergilər nazirliklərinin birgə tədbirləri sayəsində 650 min işçinin işini leqallaşdırmaq mümkün oldu: "Lakin işəgötürənlərin əksəriyyəti əməkhaqqının minimum həcmini göstərirdilər. Bu, işəgötürənlərin işçilərinin real əməkhaqqını göstərməyə marağının aşağı olmasını nümayiş etdirir".

E.Mehdiyev bildirib ki, DSMF işəgötürənlərin və işçilərin sosial müdafiə sistemində fəallığının artırılmasına yönəlib və yeni mexanizmlərin bir neçə variantlarını nəzərdən keçirir.
Variantlardan birinə əsasən, əməkhaqqının həcmindən asılı olaraq ödəniş faizlərini şaxələndirmək təklif edilir: əgər əməkhaqqı yaşayış minimumunun 1 misli məbləğindən aşağı göstərilərsə, işəgötürən 25 faizin hamısını ödəyəcək, əgər çox olacaqsa, 17 faizə qədərini işəgötürən, 8 faizini isə işçi ödəyəcək. Müvafiq olaraq, əməkhaqqı nə qədər çox olarsa, işəgötürənin ödənişi az, işçinin ödənişi isə çox olacaq.
Bununla da DSMF işəgötürənlərin əməkdaşların real əməkhaqqını göstərməkdə maraqlı olacağı şəraitin yaradılmasına yönəlib.
Hazırda icbari sosial sığorta ayırmalarının faizi Azərbaycanda iki mənbədən: işəgötürən tərəfindən həyata keçirilən, müəssisə üzrə əməkhaqqı fondundan 22 faiz, işçinin öz əməkhaqqından 3 faiz hesabına formalaşır.
Azərbaycanda yaşayış minimumu 100 manat təşkil edir.

Yoxlamalar 2013
 Vergilər Nazirliyi (kameral, operativ nəzarəti, səyyar və s.), DSMF, DƏMX, Məşğulluq və s. orqanlarının apardığı yoxlamalar barədə praktiki misal və nümünələr olan kitab dərc olunub... “Monitor Konsaltinq Servis” MMC ilin sonuna doğru oxucularını dah bir gərəkli nəşrlə sevindirməyə qərar verdi. Sərbəst Auditor, "Monitor Konsaltinq" jurnalınını eksperti Altay Cəfərov “Yoxlamalar A-dan Z-yə” kitabı Azərbaycan Respublikasında bu sahədə qələmə alınan ilk kitabdır. Yoxlamalar, istər müstəqillikdən əvvəl, istərsə də sonra müəssisə və təşkilat rəhbərlərinin və mühasiblərin az məlumatlı olduğu mövzulardan biri, bəlkə də birincisidir.

Nəşri əldə etmək istəyənlər istəklərini [email protected] adressine və ya 012-437-32-67 və 050-265-72-65 saylı telefonlara bildirin. Kitabın  istənilən ünvana çatdırılma pulsuzdur.