Əmək müqaviləsi imzalanmayanla çox BƏD XƏBƏR

Artıq muqavilənin olmaması ilə bağlı Cinayət Məcəlləsinə də dəyişiklik edilib

“Bu gün Azərbaycanda işəgötürənlərin heç də hamısı əmək müqaviləsi bağlayarkən əmək qanunvericiliyində müəyyən olunmuş tələblərə riayət etmir”.

APA-nın xəbərinə görə, Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin rəisi İdris İsayev keçirdiyi mətbuat konfransında deyib ki, bəzən işəgötürənlər tələb olunan mütləq göstəriciləri əmək müqaviləsində əks etdirmirlər.

 
Onun sözlərinə görə, bəzi hallarda əmək müqavilələrinin bir nüsxəsi işçiyə təqdim olunmalı halda bundan yayınırlar: “Nəticədə işçi əmək müqaviləsi üzrə öz hüquqlarından məlumatsız olur, işə götürən isə bundan istifadə edərək müəyyən addımlar atır. Əmək Məcəlləsinə edilən dəyişikliklərə əsasən, artıq nazirlikdə elektron informasiya sistemi fəaliyyətə başladıqdan sonra bütün işçilər öz öhdəliklərini bilmiş olur və işəgötürəndən də bunu tələb etmək imkanına malikdirlər. Əmək Məcəlləsinə edilən dəyişikliklərlə bağlı İnzibati Xətalar Məcəlləsinə müəyyən dəyişiklik edilib. Əvvəllər əmək müqaviləsi bağlamadan şəxsin hər hansı bir işə cəlb olunmasına görə cərimə tətbiq edilirdisə, artıq həmin əmək müqaviləsi ilə bağlı məlumatın elektron informasiya sisteminə daxil edilməməsinə görə cərimənin tətbiq edilməsi nəzərdə tutulub. Eyni zamanda Cinayət Məcəlləsinə də dəyişiklik edilib ki, buna əsasən, işçilərin əmək müqaviləsi bağlamadan işə cəlb olunması ilə bağlı işəgötürənlər 7 min manatdan 10 min manatadək və ya 3 il müddətinə azadlıqdan məhrum ediləcək. Bütövlükdə məqsəd ondan ibarətdir ki, respublikada bütün işəgötürənlər öz işçiləri ilə əmək müqaviləsi bağlamış olsun, müqavilədəki əks olunana öhdəliklər barədə onları məlumatlandırsınlar”

“Əmək münasibətləri: A-dan Z-yə” kitabı– Mühasib və HR-lərin stolüstü kitabı

Kitabda işçinin işə qəbulu prosesindən başlayaraq həyata keçirilməsi zəruri olan addımlar - əmək müqaviləsinin bağlanması, əmək kitabçasının açılması, sosial sığorta şəhadətnaməsinin alınması, əmək haqqı, ondan tutulmalar və güzəştlər, məzuniyyətlər və müavinətlər, onların növləri və hesablanması qaydaları, işçilərin və iş yerlərinin attestasiyası, əmək müqaviləsinə xitam verilməsi, bu zaman müavinətlərin hesablanması və hesabatları doldurulması ilə bağlı ətraflı məlumat vermişik.
4-cü təkmilləşdirilmiş nəşrdə biz son üç nəşrdə gözdən qaçan ən xırda incəlikləri belə misalların köməyi ilə şərh etməyə çalışaraq yeni misallar daxil etmişik.

Nəşri əldə etmək istəyənlər istəklərini [email protected] adressine və ya 012-437-32-67 və 050-265-72-65 saylı telefonlara bildirin. Kitabın qiyməti 20 manatdır və istənilən ünvana çatdırılma pulsuzdur.