Sürücülüklə bağlı qaydalar yenidən dəyişdirildi

Yeni dəyişikliyə əsasən, hansı imtahan iki yerə bölünəcək?

Bundan sonra Azərbaycanda nəqliyyat vasitəsini idarə etmək hüququnu almaq üçün imtahan avtodrom və xüsusi marşrutlarda veriləcək.

Oxu.Az abc.az-a istinadən xəbər verir ki, Azərbaycanın Nazirlər Kabinetinin 8 oktyabr tarixli 292 saylı qərarı ilə sürücülərin hazırlıq kursları və onların ixtisaslarının artırılması haqqında əsasnamənin və nəqliyyat vasitəsini idarə etmək hüququnun verilməsi üçün imtahanlar haqqında əsasnamənin təsdiqlənməsi haqqında 15 mart 1999-cu il tarixli 41 saylı qərarına dəyişikliklər edilib.

Düzəlişlərə əsasən, nəqliyyat vasitəsini idarə etmək təcrübəsini yoxlamaq üçün imtahan iki yerə bölünəcək – imtahan xüsusi qapalı meydançada və ya avtodromda, həmçinin sınaq marşrutlarında veriləcək.

Bundan başqa, marşruta çıxmazdan əvvəl namizədə onun xəritəsi ilə tanış olmaq imkanı veriləcək. İmtahanın birinci mərhələsinə isə informasiya-kommunikasiya texnologiyalarının tətbiqi ilə nəzarət olunacaq.

“Monitor Konsaltinq” jurnalı –  aylıq iqtisadi xəbərləri və maraqlı sualları özünə cəmləşdirən jurnal

Jurnalda vergi, əmək, sosial qanunvericilikdə baş verən dəyişikliklər operativ olaraq ekspertlərimiz tərəfindən təhlil edilir. Bundan əlavə, jurnalımızın eksperti, sərbəst auditor Altay Cəfərov,  Amerikalı psixoloq Susan McAninch və Dövlət Əmək Müfəttişliyinin ekspertləri oxucuları maraqlandıran sualları cavablandırırlar.

"Monitor Konsaltinq" jurnalının illik abunə haqqı 50 manatdır. Həmin qiymətə jurnalın 12 sayının operativ surətdə istənilən ünvana çatdırılması da daxildir. 25 manat ödəməklə jurnalın 6 sayını da əldə edə bilərsiniz.

Regionlar üçün abunənin şərtləri eynidir. Jurnala abunə olmaq üçün 012-437-32-67 və ya 050-262-72-65 saylı telefonla və ya  [email protected]  email adresinə istəyinizi bildirməyinizi xahiş edirik.