Mikayıl Cabbarovdan əmək haqqı ilə bağlı açıqlama

Görünür, bizim ödəmə sistemində bir problem var. Biz tərkibində müəyyən çatışmazlıq olan sistemi daha da çətinləşdirmək istəmirik....

Azərbaycanın təhsil naziri Mikayıl Cabbarov çox şagirdi olan məktəbin direktoru ilə az şagirdi olan məktəbin direktorunun eyni qədər maaş almasını düzgün saymır.
Trend-in məlumatına görə, təhsil naziri Mikayıl Cabbarov Azərbaycanda Amerika Ticarət Palatasının (AMCHAM) təşkilatçılığı ilə keçirilən işgüzar görüşdə çıxışı zamanı deyib ki, Azərbaycanda 2000 şagirdi olan məktəbin direktoru ilə daha az olan şagirdi olan məktəb direktoru eyni qədər maaş alır: "Bu isə düzgün deyil. Görünür, bizim ödəmə sistemində bir problem var. Biz tərkibində müəyyən çatışmazlıq olan sistemi daha da çətinləşdirmək istəmirik. Nazirlik bu istiqamətdə müvafiq qurumlarla işlər aparılır. Düşünürük ki, bu sahədə gələcəkdə uğur qazanacağıq".

Nazir bildirib ki, Azərbaycanda müəllimlərin maaşları artırılmalıdır. Lakin bunun nə qədər artırılması deyil, necə artırılması əsasdır: "Sovet sistemindən mövcud olan sistemin indi də tətbiq edilməsi nə dərəcədə düzgündür? Maaşların artırılması ilə bağlı əsas məsələ məktəb direktorları ilə əlaqədardır. Onlar müəllimlər qədər maaş alırlar, amma üzərlərində çox böyük yük var".
M.Cabbarov onu da bildirib ki, Azərbaycanda şagirdlər ildə 32 həftə oxuyurlar. Dünya ölkələrində isə orta hesabla 38 akademik həftə mövcuddur. Bu isə o deməkdir ki, hər il bizim şagirdlər digər ölkələrin şagirdlərinə nisbətən 6 həftə az dərs oxuyurlar. Bu da təhsil proqramını asanlaşdırmır, əksinə çətinləşdirir.

“Monitor Konsaltinq” jurnalı –  aylıq iqtisadi xəbərləri və maraqlı sualları özünə cəmləşdirən jurnal

Jurnalda vergi, əmək, sosial qanunvericilikdə baş verən dəyişikliklər operativ olaraq ekspertlərimiz tərəfindən təhlil edilir. Bundan əlavə, jurnalımızın eksperti, sərbəst auditor Altay Cəfərov,  Amerikalı psixoloq Susan McAninch və Dövlət Əmək Müfəttişliyinin ekspertləri oxucuları maraqlandıran sualları cavablandırırlar.

"Monitor Konsaltinq" jurnalının illik abunə haqqı 50 manatdır. Həmin qiymətə jurnalın 12 sayının operativ surətdə istənilən ünvana çatdırılması da daxildir. 25 manat ödəməklə jurnalın 6 sayını da əldə edə bilərsiniz.

Regionlar üçün abunənin şərtləri eynidir. Jurnala abunə olmaq üçün 012-437-32-67 və ya 050-262-72-65 saylı telefonla və ya  [email protected]  email adresinə istəyinizi bildirməyinizi xahiş edirik.

--------------------------------------------------------------------------------------------------------------------