Üçüncü “Yüksəliş” müsabiqəsinin qalibi olan və baş mühasib vəzifəsində çalışan həmkarımız Toğrul İslam haqqında ətraflı məlumat

Toğrul müəllim öncələr  Vergilər Nazirliyinin Operativ nəzarət şöbəsində də çalışıb...

Xəbər verdiyimiz kimi, üçüncü “Yüksəliş” müsabiqəsinin qalibləri müəyyənləşdi. 14-16 iyul tarixlərində “Baku Ekspo Mərkəzi”ndə keçirilən müsabiqənin finalında iştirak edən 109 namizəddən ən yüksək bal toplayan 22 nəfər qalib adını qazanıb.  Sevindirici haldır ki, "Yüksəliş" müsabıqəsinin qalibləri sırasında baş mühasib vəzifəsində çalışan həmkarımız Toğrul İslam da yer alıb. Toğrul müəllim haqqında geniş məlumatı oxucularımızın diqqətinə çatdırmaq istəyirik.

İslam Toğrul Mustafakamal oğlu, 04 iyul 1993-cü ildə Şəki şəhərində anadan olub.  2010 – cu ildə Bakı şəhəri, Xətai rayonu Şəhid Ədalət Abbasovun adını daşıyan 257 nömrəli tam orta məktəbi bitirib. 2010-2014-cu illərdə “Azərbaycan” Universitetinin Maliyyə BBA ixtisası üzrə fakultəsində təhsil alıb. Ali təhsil aldığı müddətdə müsbət nəticələrinə və dil biliklərinə əsaslanaraq universitetin əməkdaşlıq etdiyi Amerikanın Corcia ştatında yerləşən C.M. Robinson adına olan biznes məktəbində mübadilə proqramı əsasında təhsil almaq hüququnu əldə edib. Müəyyən olunmuş müddət başa çatdıqdan sonra vətənə qaydırarq təhsilimi burada davam etdirib. 2012-ci ilin ilk yarımilində AR Vergilər Nazirliyi nəznində fəaliyyət göstərən Operativ nəzarət şöbəsinin 1ci bölməsinin büdcədən kənar fond hesabına saxlanılan müfəttişi kimi fəaliyyət göstərib. 2014-cü ildə təhsilimi bitirdikdən sonra maqistr təhsili ilə bağlı “ADA” Universitetinin Maliyyə MBA fakultəsinə qəbul alıb. Qanunvericilik tələblərinə uyğun olaraq qəbul aldıqdan sonra təhsili donduraraq həqiqi hərbi xidmətə yollanıb. 2014-2015-ci illərdə DİN nəznindən AR Daxili Qoşunlarında hərbi xidmətimi başa vurduqdan sonra 2015-2016 illərdə “ADA” Universitetində Finance MBA ixtisası üzrə təhsil alıb. 2016-cı ildən PAŞA Həyat Sığorta ASC şirkətində Mühasibatlıq şöbəsində fəaliyyətə başlayıb. 2021-ci ildən Baş mühasib-Mühasibatlıq şöbəsinin müdiri vəzifəsinə təyin olunub. Əmək fəaliyyəti dövründə daima yeni layihələr və optimizasiya proseslərində uğurlu iştirak edib. Mühasibatlıq sistemlərinin optimizasiyası,  avtomatlaşdırılması və komandamızın tam çevik idarəetmə (Agile) prinsipinə keçidini bu layihələrdə çalışıb.

Əlavə olaraq bu dövrdə bir sıra təlimlər və sertifikasıya imtahanlarında iştirak edib. Bunlardan, Peşəkar Mühasib Sertifikatı (PMS), “ACCA” üzrə 9 imtahan, “Professional Scrum Master I” (PSM I), “Professional Kanban Master I” (PSK I), “Kanban Management Professional”, “TESOL İnternational Association”-un “Business English and Management” və digərlərini qeyd etmək olar.

İngilis, Rus və Türk dillərini bilir.