Magistraturanın 2-ci mərhələsin keçən 8996 nəfərin necəsi təhsilini davam etdirə biləcək?

Magistraturanın hər iki mərhələsi üzrə yüksək bal açıqlandı

Tələbə Qəbulu üzrə Dövlət Komissiyası (TQDK) tərəfindən 2013/2014-cü tədris ili üçün Azərbaycan Respublikası ali təhsil müəssisələrinin magistraturalarına iyunun 23-də keçirilmiş qəbul imtahanlarının ikinci mərhələsinin nəticələri açıqlanıb.

TQDK-nın mətbuat xidmətindən APA-ya verilən xəbərə görə, imtahanda iştirak edən 11274 bakalavrdan 8996 nəfəri müsabiqə şərtini ödəyərək ixtisas seçiminə buraxılıb. İki mərhələdə keçirilən imtahanın nəticələrinə əsasən maksimum nəticə 144 bal olub.
Müsabiqə şərtlərini ödəyən bakalavrlar iyunun 27-dən 30-dək  internet vasitəsi ilə ixtisaslaşma seçimini yerinə yetirməlidirlər. Müsabiqəyə yalnız ixtisaslaşma seçimini edib təsdiqləyən bakalavrlar buraxılacaqlar. 2013-cü ildə magistratura səviyyəsinə qəbul 60 proqram üzrə aparılır və 6794 plan yeri ayrılıb.
Qəbul aparılan ixtisaslaşmaların siyahısı "Magistr" xüsusi buraxılışının 2013-cü il 4-cü sayında təqdim olunub. Həmin jurnalı  TQDK-nın qarşısındakı “Abituriyent” köşkündən almaq və ya elektron versiyasını (pdf) www.abiturient.az saytında “TQDK-nın nəşrlərinin elektron satışı sistemi” vasitəsi ilə yükləmək mümkündür.