Hansı müəssisələr Xüsusi vergi rejimli müəssisələrə aid ediləcək?

Vergi Məcəlləsinə edilən əlavədə bu məsələyə aydınlıq gətirilib

Məcəlləyə edilən əlavədən göründüyü kimi, Xüsusi vergi rejimli müəssisələrə artıq Məcəllədə aydınlıq gətirilib.

Belə ki, qanunla təsdiq edilmiş hasilatın pay bölgusu, əsas ixrac boru kəməri haqqında və digər belə sazişlər və ya qanunlar, o cümlədən neft və qaz haqqında, ixrac məqsədli neft-qaz fəaliyyəti haqqında və xüsusi iqtisadi zonalar haqqında qanunlar çərçivəsində fəaliyyət göstərən, vergitutma və vergi nəzarəti məsələlərində müəyyən dövr ərzində vergilərin hesablanması və ödənilməsi xüsusi qaydalarla müəyyən edilən vergi ödəyiciləri, habelə xarici ölkələrin Azərbaycan Respublikasının ərazisində yerləşən diplomatik və analoji nümayəndəlikləri, konsulluq idarələri və digər rəsmi nümayəndəlikləri Xüsusi vergi rejimli müəssisələrə aid ediləcək.