Pensiyaçılara hökümətdən ŞAD XƏBƏR

Azərbaycanda 2012-ci il üçün pensiyaların maliyyələşdirilməsi ilə bağlı işlər artıq tam yekunlaşdırılıb.  «APA-Economics»in məlumatına görə, bunu Dövlət Sosial Müdafiə Fondunun (DSMF) sədri Səlim Müslümov bildirib.
S.Müslümov qeyd edib ki, dekabr ayı üzrə pensiyaların maliyyələşməsi üçün DSMF-nin mərkəzi xəzinə hesabından tələb olunan vəsaitin yerli orqanların hesablarına köçürülməsi dekabrın 28-də başa çatdırılıb: «Artıq bayrama qədər bütün pensiyaçılar öz pensiyalarını ala bilərlər».

S.Müslümov bildirib ki, son illər həyata keçirilən sosial müdafiə tədbirləri nəticəsində 2012-ci il oktyabrın 1-i tarixinə əmək pensiyalarının orta aylıq məbləği 152 manat, o cümlədən yaşa görə əmək pensiyasının orta aylıq məbləği 168 manat təşkil edib. Ümumilikdə, pensiyaçıların 97%-nin pensiya məbləği yoxsulluq həddindən yüksəkdir.