Millət vəkili Tahir Mirkişili sosial şəbəkədəki statusunda Mikro, kiçik, orta və iri sahibkarlıq subyektləri ilə bağlı paylaşmasında bəzi həmkarlarımız üçün maraqlı olacaq məsələyə misalla izah verib: "Mikro, kiçik, orta və iri sahibkarlıq subyektlərinin bölgüsü MEYARLARI müəyyən olundu. Sahibkarların mikro, kiçik, orta və ya iri sahibkar kimi müəyyənləşdirilməsi üçün “işçilərin orta siyahı sayı” və “illik gəlir” meyar göstəricilərindən daha yüksək olanı əsas götürülür. Yəni, tutaq ki, işçilərin sayı 11 nəfər olarsa, amma illik gəliri 200 min manatı keçməsə belə, sahibkar mikro sahibkar sayılmayacaq. Yəni, hər iki göstərici uyğun olmalıdır.  Qeyd edək ki, mikro sahibkarın illik gəlirinin 75%-i vergidən azaddır. Qalan 25%-dən isə o, xərcləri çıxandan sonra 20% vergi ödəməlidir."

Redaksiyadan: İşçilərin sayı dedikdə, "işçilərin orta siyahı sayı" nəzərə alınmalıdır. Misal üçün, ilin hər hansı ayında işçilərin sayı 10-dən daha yuxarı ola bilər, amma bu o anlama gəlmir ki, həmin göstəriciyə görə müəssisə mikro sahibkar subyekti olmaq hüququnu itirir.  Bir daha qeyd edirik ki, işçilərin orta siyahı sayı üzrə göstərici əsas götürülür. 

Vergi Qanunvericiliyi və Şərhlər Toplusu 2019 kitabı