Attestasiya keçirilmәsi nәzәrdә tutulan işçilәrlә bağlı Əmәk Mәcәllәsinin xüsusi tәlәbinin 4 Misalla izahı

Satışı yalnız kitabxanalarda həyata keçirilən "Əməyin uçotu: A-dan Z-yə" (III nəşr) kitabından seçmə

Attestasiya keçirilmәsi nәzәrdә tutulan işçilәrlә bağlı Əmәk Mәcәllәsinin xüsusi tәlәbi mövcuddur. Əmәk Mәcәllәsinin 65-ci maddәsinin ikinci hissәsinә әsasәn, yalnız müvafiq iş yerindә azı bir il çalışan işçilәr attestasiyadan keçirilә bilәr. Hәr bir işçi üç ildә, elmi işçilәr isә beş ildә bir dәfәdәn çox olmayaraq attestasiyadan keçirilә bilәr.

MİSAL 1. İşçi mühasib vəzifəsində 9 aydır ki, çalışır. Bu halda işəgötürən həmin işçinin attestasiyasını həyata keçirə bilməz.

MİSAL 2. Xəzinədar vəzifəsində çalışan işçi 2 ildən sonra mühasib vəzifəsinə keçirilir. İşçi mühasib vəzifəsində 7 ay çalışdığı halda onun attestasiyası həyata keçirilə bilməz. Çünki işçinin bir işəgötürəndə ümumi iş stajının 2 il 7 ay olmasına baxmayaraq, müvafiq vəzifədə (iş yerində) iş stajı bir ildən azdır.

MİSAL 3. İşçi 2019-cu ildə attestasiya olunsa da, işəgötürən qərar verir ki, 2021-ci ildə həmin işçini attestasiya etsin. İşəgötürənnin bu qərarı əmək qanunvericiliyinə ziddir, çünki hər bir işçi üç ildə bir dəfədən çox olmayaraq attestasiyadan keçirilə bilər.

MİSAL 4. Elmi-tədqiqat müəssisəsinin elmi işçisi 2017-ci ildə attestasiyadan keçib. 2021-ci ildə işəgötürən qərar verir ki, 3 il müddət keçdiyinə görə işçini attestasiyadan keçirsin. Amma Əmək Məcəlləsinin 65-ci maddəsində elmi işçilər üçün attestasiya müddəti 3 il yox, 5 il müəyyən edildiyindən işəgötürən həmin vəzifədə çalışanlar üçün qeyd edilən müddəti gözləməlidir.

 Satışda olan YENİ nəşrlərimiz: