Qısadımış iş vaxtı tətbiq olunmalı işçi yazılı razılığı ilə bundan imtina edə bilər?

Satışı yalnız kitabxanalarda həyata keçirilən “Əməyin uçotu: A-dan Z-yə” (III nəşr) kitabından seçmə

Təcrübədə rast gəlinən hallardan biri də işçinin qısadılmış iş vaxtında işləmək istəməməsidir.

Misal.  Yaşyarımadək uşağı olan qadın işçi işəgötürənə ərizə ilə müraciət edərək Əmək Məcəlləsinin 91-ci maddəsi üzrə nəzərdə tutulan həftəlik 36 saatlıq iş normasından imtina etdiyini bildirir. İşçi fikrini onunla əsaslandırır ki, anası işləmədiyindən uşağına o baxacaq, ona görə də həftəlik tam iş vaxtı ilə çalışmaq istəyir.

Qeyd edək ki, Əmək Məcəlləsinin 91, 92 və 93-cü maddələri ilə tənzimlənən qısadılmış iş vaxtının tətbiqi işəgötürən üçün məcburi, yəni imperativ normadır. O səbəbdən də işçinin qısadılmış iş vaxtının tətbiqindən imtina ərizəsi olsa da, işəgötürən bu xahişi təmin etməməli, işçinin qısadılmış iş vaxtı ilə işləməsini həyata keçirməlidir.