Hamiləliyə və doğuşa görə məzuniyyət və əmək qabiliyyətinin itirilməsi ilə bağlı müavinətlə bağlı 6 ay sosial sığorta stajı necə nəzərə alınmalıdır?

Satışı  yekunlaşmaqda olan “Əməyin uçotu: A-dan Z-yə” (III nəşr) kitabından seçmə

Hansı hallarda işçiyə müavinət hesablanmamasına gəlincə, Əsasnaməyə görə, bəzi hallar üzrə işçi əmək qabiliyyətini müvəqqəti itirdiyi halda ona müavinət hesablanmır. Sənədin 25-ci bəndinə əsasən, əmək qabiliyyətinin müvəqqəti itirilməsinə görə müavinət aşağıdakı hallarda verilmir:

- 6 ay sosial sığorta stajı olmayan şəxslərə

Bu məsələdə diqqət yetiriləsi iki əsas məsələ var: sosial staj və 6 ay.

Sosial stajla əmək stajını fərqləndirmək lazımdır. Sosial staj dedikdə, işçiyə məcburi dövlət sosial ayırması hesablanmasının tarixçəsi nəzərdə tutulur.

MİsaL 1. İlk iş yerində 7 ay çalışan işçi 3 ay ödənişsiz məsuniyyətdə olub. İşçinin iş stajının 7 ay olmasına baxmayaraq, onun sosial sığorta stajı 4 ay hesab edilir. Çünki işçi ödənişsiz məzuniyyətdə olduğu dövrdə ona sosial ayırma hesablanmır. Əgər işçi işlədiyi dövrün 8-ci ayında əmək qabiliyyətini itirərsə, ona əmək qabiliyyətinin itirilməsinə görə müavinət hesablanmayacaq. Çünki hələ 6 aylıq sosial staja malik deyil.

6 ay müddətə gəlincə isə, bu məsələdə işəgötürənlərinin əsas yanlışlığı həmin müddətin işlədiyi təşkilata münasibətdə tətbiq edilməsidir.

MİsaL 2. İşçinin 2 illik sosial sığorta stajı olmasına baxmayaraq, təşkilatda 3-cü aydır işləyir. İşç əmək qabiliyyətini müvəqqəti itirdiyi üçün xəstəlik vərəqəsini işəgötürənə təqdim edir. Bəzi işəgötürənlər düşünürlər ki, işçinin təşkilatda işləməsi müddəti (və ya sosial sığorta stajı) 6 aydan az olduğu üçün ona müavinət hesablanmamalıdır. Əslində isə, işçinin əvvəlki 2 illik sosial sığorta stajı kifayət edir ki, hətta yeni iş yerində 1 gün belə işləsə, əmək qabiliyyətini müvəqqəti itirməsinə görə ona müavinət hesablansın.

Satışda olan YENİ nəşrlərimiz: