5 il sosial stajı olan işçiyə müavinət 100 faiz həcmində hesablana bilər? (2 Misalla izah)

Satışı  yekinlaşmaqda olan “Əməyin uçotu: A-dan Z-yə” (III nəşr) kitabından seçmə

Sosial kateqoriyalara uyğun müavinət məbləğlərini misallar üzərində nəzərdən keçirək.
MİsaL 1.  Məcburi köçkün statusuna malik olan işçinin sosial stajı 5 ildir. “A” MMC işçiyə əmək qabiliyyətini müvəqqəti itirməsinə görə 1250 manat müavinət hesablayıb. İşçinin sosial stajının 5 il olmasına baxmayaraq, onun məcburi köçkün statusu olduğu üçün hesablanan müavinət 100 faiz həcmində (1250 manat) hesablanacaq. 
MİsaL 2.  İşəgötürənin onkoloji xəstə olan işçisinin sosial stajı 8 il 3 aydır. İşəgötürən həmin işçiyə əmək qabiliyyətini müvəqqəti itirməsinə görə 960 manat müavinət hesablayıb. İşçinin sosial stajının 8 ildən çox, 12 ildən az olmasına baxmayaraq ona hesablanan müavinət 100 faiz həcmində hesablanacaq. Cünki işçi onkoloji xəstəsi olması haqqında müvafiq sənədi işəgötürənə təqdim edib.

Qeyd edək ki, proqram təminatında “sığortaolunan haqqında məlumatların daxil edilməsi” bölməsində işçinin stajı haqqında məlumat daxil edilir. Amma qeyd etdiyimiz kimi mümkündür ki, işçinin hər hansı sosial kateqoriyaya görə faiz dərəcəsində müəyyən dəyişiklik olsun. Bu zaman həmin fərqli hallar “müavinətin qazanca nisbətən hesablama dərəcəsinin təyin edilməsi” bölməsində qeyd edilməlidir.

Satışda olan YENİ nəşrlərimiz: