Mühafizəçilərlə tam maddi məsuliyyət barədə müqavilə bağlanmalıdır?

Mks.az saytının eksperti, sərbəst auditor Altay Cəfərovun təqdimatında

Sual: Müəssisədə bəzi vəzifələrdə çalişan işçilərlə maddi-məsuliyyət müqaviləsi baglayırıq, bir sualım var, mühafizəçilər üçün tam maddi məsuliyyət barədə müqavilə bağlanmalıdır?
Rəna Hüseynova

Cavab: Sualınız cavabı Əmək Məcəlləsinin 200-cü maddəsində axtarmalıyıq.

Maddə 200. Tam maddi məsuliyyət daşınması barədə yazılı müqavilələrin bağlanması
1. İstər bilavasitə əmək müqaviləsi bağlanarkən, istərsə də əmək münasibətləri prosesində işəgötürən etibar edərək verdiyi əmlakın maddi və ya digər sərvətlərin saxlanması, emalı, satışı, daşınması, istifadəsi və başqa əməliyyatların aparılması ilə bilavasitə əlaqədar işlər görən və ya xidmətlər göstərən 18 yaşına çatmış işçilərlə onların tam maddi məsuliyyət daşıması barədə yazılı müqavilə bağlaya bilər.
3. Bu maddənin birinci və ikinci hissələrində göstərilən tam maddi məsuliyyət barədə yazılı müqavilələr bağlanılmalı olan işçilərin və işlərin (xidmətlərin) siyahısı işəgötürən tərəfindən müəyyən edilir.
Maddədən aydın olur ki, maddı məsuliyyət daşıyan vəzifələri işəgötürən müəyyənləşdirir. Məsələyə praktiki yanaşaq.Təsərrüfat subyektində müxtəlif anbarlar, kassalar, maşınlar və ümumiyyətlə çoxlu maddi vəsaitlər ola bilər. Bunların hamısının cavabdeh şəxsləri var ki, onlarla fərdi olaraq maddi-məsuliyyət haqqında müqavilələr bağlanılır. Məsələyə dərindən yanaşmaq üçün ilkin olaraq gözətçilərin əmək funksiyalarına baxmaq lazımdır. Bəzi gözətçilər var ki, onlara ancaq obyektdə asayişi qorumaq həvalə edilir, maddı aktiv tapşırılmır. Bu halda belə mühafizəçi ilə maddi məsuliyyət müqaviləsinin bağlanmasına ehtiyac duymuram. Amma bəzi hallar var ki, axşam növbəsində axşam artıq mühafizəçilər obyektləri qoruyur və oğurluq, digər bu kimi hallar baş verdikdə birbaşa olmasa da dolayısı cavabdehlik daşıyırlar. Məsələn, anbar bağlanılır və qorunmaq üçün mühafizəçilər qəbul edir. Bu bu zamanı yaxşı olar ki, təhvil-qəbul məsələlərində diqqətli olunsun. Bütün hallarda mühafizəçinin əmək funksiyalarına uyğun addımlar atılmalıdır.

"Kargüzarlıq: A-dan Z-yə" kitabı ARTIQ SATIŞDA + CD diski (qanunvericilik və nümünələr)