Əvəzetmə ilə bağlı praktiki sualın və əmrin izahı

Mks.az saytının eksperti, sərbəst auditor Altay Cəfərovun təqdimatında

Sual:  Salam. Xahiş edirəm izah edirəm izah edərək öz fikirlərinizi bildirəsiniz. Belə bir əmrin verilməsi nə qədər düzgündür? Əsas olaraq, özüm ərizə yazaraq vəzifə maaşının azalmasını istəyirəm yazmaq istəmirəm.

Hal-hazırda müqavilənən kargüzar vəzifəsindəyəm və sınaq müddətindən keçmişəm.

Və kadrlar üzrə mütəxəssis vəzifənin icraçısıyam və 3 ay müddəti hələ bitməyib.

Əmək funsiyasının müvəqqəti icrası haqqında

1. Rəhbərlik yanında aparatın kadrlar üzrə mütəxəssisi vəzifəsinin vakant olması ilə əlaqədar olaraq, Azərbaycan Respublikasının Əmək Məcəlləsinin 61-ci maddəsinin 2-ci bəndinə əsasən vəzifənin icrası 24 sentyabr 2018-ci il tarixdən müvəqqəti olaraq  Rəhbərlik yanında aparatın kargüzarı ------------------------ əmək haqqı ödənilmədən həvalə edilsin.
2. ----------------------- 24 sentyabr 2018-ci il tarixdən vəzifə maaşı ştat cədvəlinə müvafiq olmaqla Rəhbərlik yanında aparatın 0,5 ştat vahidi olmaqla kargüzarı vəzifəsini icra etsin.
3. Mühasibat uçotu və təsərrüfat şöbəsi (---------) bu əmrin ikinci bəndindən irəli gələn məsələlərin həlli istiqamətində zəruri tədbirlər görsün.
4. Rəhbərlik yanında aparatın kargüzarı, kadrlar üzrə mütəxəssis vəzifəsinin icraçısı (---------------------) bu əmrin göndərilmə siyahısına uyğun olaraq çatdırılmasını təmin etsin.

          Əsas: -------------

 Cavab:  Ümumiyyətlə, işçinin öz istəyi ilə əmək haqqının azaldılmasının istəməsini tam anlamaq olmur. Əmrin formasın ilə bağlı bildirmək istəyriəm ki, əmr tam olaraq başa düşülən formada hazırlanmayıb. Sizə boş olan iş yerinə görə əlavə əmək funksiyaları tapşırıblar, daha doğrusu öz vəzifənizlə eyni vaxtda əlavə vəzifə verilmişdir. Əmrdə olan Əmək Məcəlləsinin 61-ci maddənin ikinci hissəsi düzgündür,amma əmək haqqı ödəmədən həvalə etmək düzgün deyildir. Cünki, Əmək Məcəlləsinin 61-ci maddəsinə əsasən, ən azı yarısı ödənilməlidir.

Həmçinin, əmrin ikinci hissəsində qeyd edilir ki, 0.5 ştat vahidi olmaqla əmək haqqı ödənilsin. Fikrimizcə, bu cür əmr forması düzgün hesab edilməz. Əmrdən belə çıxır ki, siz vəzifənizdə qalırsınız və başqa vəzifə verilmişdir. Birinci vəzifədən əmək haqqı almırsınız, amma ikinci həvalə edilmiş vəzifədən isə 50% əmək haqqı alırsınız. Ya sizi əvvəlki vəzifədən yeni vəzifəyə təyin etməlidirlər  və onda yeni əmək haqqı təyin edə bilərlər.  Amma müvəqqəti əvəz etmədirsə, onda 61-ci maddənin ikinci hissəsinə əsas öz əmək haqqısı + həvalə edilən əmək haqının ən azı 50% ödənilməlidiir.

Əmək münasibətləri A-dan Z-yə 2018” kitabı SATIŞDA