İşçinin əmək haqqısı həyat sığortasına qoşulduqda, müavinət ödənilmir?

Mks.az saytının eksperti, sərbəst auditor Altay Cəfərovun təqdimatında

Sual: Salam. Mən iş yerimdə həyat sığortasına qoşulmuşam, indi isə bülletenə çıxacam. Mən necə xəstəlik müvainəti ala bilərəm? Bildiyim qədərilə DSMF-ə heç bir ödəniş edilmir. Bu halda mənə müavinət verilməli deyil. Yığım sığortasına tam əmək haqqı ilə qoşulmuşam, bundan əvvəl isə əmək haqqım qeyri-rəsmi olub.

Kamil Behbudov

Cavab: Sualınıza cavab vermək üçün Azərbaycan Respublikası Nazirlər Kabinetinin “Məcburi dövlət sosial sığortası üzrə ödəmələrin və əmək qabiliyyətini müvəqqəti itirmiş işçilərə sığortaedənin vəsaiti hesabına ödənilən müavinətin hesablanması və ödənilməsi haqqında Əsasnamə”nin təsdiq edilməsi barədə 189 saylı Qərarına nəzər yetirməliyik.Qərarın 28-ci maddəsindən çıxarışı təqdim edirik.

Orta gündəlik qazancın hesablanması zamanı iş günlərinin sayından aşağıdakı dövrə düşən iş günləri çıxılmalıdır:

- əmək qabiliyyətinin müvəqqəti itirildiyi dövr;

- hamiləliyə və doğuma görə verilən məzuniyyət dövrü;

- uşaq 3 yaşına çatanadək ona qulluq edilməsinə görə verilən məzuniyyət dövrü;

- məcburi dövlət sosial sığorta haqqı hesablanmayan digər dövrlər.

Məcburi dövlət sosial sığorta haqqı hesablanmayan gəlirlərin məbləği müavinət hesablandıqda qazanc məbləğinə daxil edilmir.

Sizin sualınızdan aydın olur ki, bütün əmək haqqını həyatın yığım sığortasına yönəltmisiniz. Vergi Məcəlləsinə və “Sosial siğorta haqqında” qanuna əsasən, bu məbləğlər vergiyə və M.S.S.H.-a cəlb olunmur. Belə olan halda yuxarıdakı qaydalara görə həmin dövr gündəlik qazancın hesablanılması üçün nəzərə alınmayacaq.

Yeri gəlmişkən bir məsələni də bildiririk ki, həmkarlarımız üçün lazımi olar. Analıq məzuniyyətində 12 ay əmək fəaliyyətiniz olmasa, gündəlik qazancınız başqa formada hesablanacaq . Sizin qeyd etdiyniz halda əmək fəaliyyəti olub amma M.S.S.H. hesablanmayan hallar var. Bu cür halda analıq məzuniyyəti hesablaması aparılır, amma məbləğ boş, dövr boşdur, yəni gündəlik qazanc yoxdur.

Altay Cəfərovun müəllifi olduğu “Əmək münasibətləri A-dan Z-yə 2018” kitabı SATIŞDA