İşçi növbəti iş ilində də 6 aylıq müddəti gözləməlidir?

“Əmək Qanunvericiliyi və Şərhlər Toplusu” 2018 kitabından seçmə
Sual : İşçi növbəti iş ilində də 6 aylıq müddəti gözləməlidir?

Cavab: Bu məsələ Əmək Məcəlləsinin 131-ci maddəsi ilə tənzimlənir.
Maddə 131. Əmək məzuniyyətinin verilməsi qaydası
1. İşçinin birinci iş ili üçün əmək məzuniyyətindən istifadə etmək hüququ əmək müqaviləsinin bağlandığı andan etibarən altı ay işlədikdən sonra əmələ gəlir.
2. İşçiyə altı ay işlədikdən sonra birinci iş ili bitənədək əmək məzuniyyəti ərizəsi əsasında işəgötürənl razılaşdırıldığı vaxtda verilə bilər.
3. İşçiyə işin ikinci və sonrakı illəri üçün məzuniyyət işəgötürənlə qarşılıqlı razılıqla müəyyən edilən vaxtda verilə bilər.
Maddədən tam aydın olur ki, birinci məzuniyyəti 6 aydan sonra, növbəti məzuniyyəti isə istənilən vaxt götürmək olar. Ancaq işəgötürənin razılığı ilə. Odur ki, sizin bu halınızda işəgötürən razıdırsa, növbəti iş ilinin ilk ayında da növbəti ilin məzuniyyətini götürə bilərsiniz.

“Əmək münasibətləri A-dan Z-yə 2018” kitabı SATIŞDA

Kitab 19 fəsildən, 464 səhifədən ibarətdir. Praktiki vəsaitdir, sadə və anlaşıqlı dildə yazılıb, işçinin işə götürülməsindən başlayaraq işəgötürən tərəfindən aparılmalı olan, dövlət qurumları qarşısında hesabatlılıq da daxil olmaqla, bütün prosedurları əhatə edir, hesablamalar və nümunəvi formalarla zəngindir. İndiyədək 6 dəfə təkmilləşdirilərək nəşr olunub. Sonuncu nəşri 12 fevarl 2018-ci ilə təsadüf edir. Hazırda satışı davam edir.