Kompensasiya məbləğindən GƏLİR VERGİSİ tutulmasının MİSALLA İZAHI

“Əmək Qanunvericiliyi Toplusu və Şərhlər” Toplusu 2018 kitabından seçmə

Sual: İstifadə edilməmiş məzuniyyətə görə kompensasiya məbləğinə gəlir vergisi necə hesablanmalıdır?

Cavab: Vergi Məcəlləsində işçiyə başa çatmış iş ilinin istifadə olunmamış məzuniyyət günlərinə görə ödənilən kompensasiyadan və işçinin işdən çıxdığı ayın əmək haqqından tutulan gəlir vergiləri fərqləndirilir.
Əgər işçinin istifadə edillməmiş məzuniyyəti bir neçə iş ilini əhatə edirsə, bu zaman gəlir vergisi hər il üçün hesablanan kompensasiya məbləğindən ayrılıqda, işçi ilə son haqq-hesab aparılarkən tam olmayan sonuncu iş ilinin məzuniyyət haqqından isə, onun verildiyi ayın əmək haqqı ilə birlikdə gəlirin ümumi məbləğindən tutulmaqla dövlət büdcəsinə ödənilməlidir.
Tutaq ki, 300 manat əmək haqqı alan işçi 3-cü iş ilinin 9-cu ayı olan aprel ayında işdən azad olunub. Bu zaman gəlir vergisi tutulmaları aşağıdakı istiqamətlər üzrə ayrılıqda aparılmalıdır:
• Aprel ayının əmək haqqı + 3-cü (sonuncu) iş ilinə görə istifadə edilməmiş məzuniyyətə görə kompensasiya;
• 1-ci iş ilinə görə istifadə edilməmiş məzuniyyətə görə kompensasiya;
• 2-ci iş ilinə görə istifadə edilməmiş məzuniyyətə görə kompensasiya.

“Əmək münasibətləri A-dan Z-yə 2018” kitabı SATIŞDA

Kitab 19 fəsildən, 464 səhifədən ibarətdir. Praktiki vəsaitdir, sadə və anlaşıqlı dildə yazılıb, işçinin işə götürülməsindən başlayaraq işəgötürən tərəfindən aparılmalı olan, dövlət qurumları qarşısında hesabatlılıq da daxil olmaqla, bütün prosedurları əhatə edir, hesablamalar və nümunəvi formalarla zəngindir. İndiyədək 6 dəfə təkmilləşdirilərək nəşr olunub. Sonuncu nəşri 12 fevarl 2018-ci ilə təsadüf edir. Hazırda satışı davam edir.