Uşağın anadan olmasına görə birdəfəlik müavinətin məbləği və verilməsi qaydası

Sual: Uşağın anadan olmasına görə birdəfəlik müavinət nə qədərdir və necə alınmalıdır?

Cavab: 01 mart 2018-ci il tarixdən etibarən, uşağın anadan olmasına görə birdəfəlik müavinət 109 manat məbləğində müəyyən olunub. Qeyd edək ki, həmin tarixə qədər 99 manat müəyyən olunub. Bu müavinət işəgötürən tərəfindən sənədlər qeydiyyatda olduğu DSMF orqanına təqdim edildikdən sonra verilir. İşləyən valideynə müavinət onun iş yeri üzrə uçotda olduğu DSMF orqanı tərəfindən, əgər hər hansı bir səbəbdən uşağın valideynləri işləmirlərsə, müavinət yaşayış yeri üzrə Əhalinin Sosial Müdafiəsi Mərkəzi vasitəsilə ödənilir. Uşağın anadan olmasına görə birdəfəlik müavinət, müraciət edildikdə verilir və müraciət müddəti məhdudlaşdırılmır.

SATIŞDA OLAN NƏŞRLƏRİMİZ