Əmək haqqından icra orqanına tutulması necə tənzimlənməlidir?

Mks.az saytının eksperti, sərbəst auditor Altay Cəfərovun təqdimatında

Sual: İşçi cari ilin may ayına görə 700 azn avans məzuniyyət pulu alıb, məzuniyyətdən qayıdanda barəsində maaşdan 50% tutulması üçün icra hökmü daxil olub. Məzuniyyətdən başqa may ayında işlədiyi bir neçə gün üçün işçiyə əlavə 300 azn ödənilməlidir. Belə olan halda tutqu məbləği neçə təşkil etməlidir (500, 300, ya 150)? Cavabınız üçün əvvəlcədən təşəkkürlər!
Xalid Zalov

Cavab: Adətən, icra sənədlərində tutulmalar işçinin aylıq əmək haqqından və ya aylıq qazancından tutulsun şəklində yazılır. Bundan əlavə, icra sənədlərinin təsnifatına da baxmaq lazımdır. Bəzi hallarda icra sənədlərində konkret tutulası məbləğ yazılır. Həmçinin, icra sənədi müəssisəyə rəsmi daxil olandan sonra icra olunur. Amma bəzi hallarda icra sənədi gec daxil olur, amma məhkəmənin hökmünə uyğun olaraq tutulmaların tez icra olunması olunması bildirilir. Bütün hallarda icra sənədinin təsnifatına dəqiq baxılsa, daha yaxşı olar.
Sizin açıqlamadan belə başa düşmək olur ki, icra sənədi məzuniyyətdən qayıdandan sonra daxil olub və güman olunur ki, onun icrası həmin tarixdən sonra olacaq. Yəni, may ayının sonunda qalan əmək haqqıdan - 300 manatdan tutulmalar olacaq. Sonda bir daha bildiririk ki, icra sənədinə diqqətlə baxıb, sonra qərar vermək doğru olardı.

Satışda olan nəşrlərimiz:

1) Altay Cəfərovun müəllifi olduğu Əmək Münasibətləri: A-dan Z-yə kitabı

“Əmək münasibətləri A-dan Z-yə 2018” kitabının yeni, 6-cı təkmilləşdirilmiş nəşri çapdan çıxıb. İnsan resursları (HR) üzrə mütəxəssislər və mühasiblər üçün nəzərdə tutulan nəşrdə 15 fevral 2018-ci il tarixinədək Əmək Məcəlləsində edilən dəyişikliklər və əlavələr, eyni zamanda əmək münasibətlərini tənzimləyən bütün normativ-hüquqi aktların yeni tələbləri nəzərə alınıb.  Nəşrə 3 yeni fəsil əlavə olunub.