Əlbəttə ki, müfəttişlər yoxlama zamanı səlahiyyətlərindən sui-istifadə edərlərsə, bunu onların nəzərinə çatdırmaq, xəbərdarlıq etmək lazımdır. Məsələn, müfəttişliyin vəzifəli şəxsinin işəgötürənin hər hansı bir işçisindən izahat almaq səlahiyyəti var.

 Eyni zamanda, unutmayın ki, işçinin də bundan imtina etmək hüququ mövcuddur. İşçilər istəsələr, izahat verməyə bilərlər. Təcrübədə olub ki, işçilər izahat vermək istəməyəndə müfəttişlər müxtəlif vasitələrlə buna etirazlarını bildiriblər. Bu zaman onların nəzərinə çatdırılıb ki, bir daha belə hərəkətlərə yol versələr, onların hərəkətləri aktlaşdırılıb lazımi orqanlara təqdim olunacaq.