Müddətli əmək müqaviləsi 8 illik bağlana bilər?

Satışı yekunlaşmaqda olan "Əməyin uçotu: A-dan Z-yə" (III nəşr) kitabından seçmə

Əmək Məcəlləsinin 45-ci maddəsində qeyd edilir ki, müddətli əmək müqaviləsi fasiləsiz olaraq 5 ildən artıq müddətə davam edərsə, müddətsiz əmək müqaviləsi hesab edilir. Təcrübədə rast gəlinən suallardan biri odur ki, işəgötürən işçi ilə 5 ildən çox müddətə əmək müqaviləsi imzalaya bilər.
Mİsal. İşəgötürən tenderin nəticəsinə uyğun olaraq yol çəkilişi işlərini 8 il ərzində həyata keçirəcək. İşəgötürən qərar verir ki, yol çəkilməsinə cəlb etdiyi mühəndislə əmək müqaviləsini 8 illik bağlasın. Bəzi həmkarlarımız hesab edirlər ki, müddətli əmək müqaviləsi 5 ildən çox davam edə bilməz. Ancaq bu, belə deyil. Əmək Məcəlləsinin 45-ci maddəsinin birinci cümləsində qeyd edilir ki, müddətli əmək müqaviləsi tərəflərin razılaşdığı müddətə bağlanılır. O səbəbdən də, müddətli əmək müqaviləsi 8 illik ola bilər və işəgötürən həmin müddət bitdikdən sonra işçinin əmək müqaviləsinə Əmək Məcəlləsinin 68-ci maddəsinin ikinci hissəsinin “b” bəndi – “əmək müqaviləsinin müddətinin qurtarması” ilə xitam verə bilər.

Satışda olan YENİ nəşrlərimiz: