İşəgötürən ehtiyatda olan hərbçinin əmək stajını nəzərə almalıdır?

Satışı davam edən “Əməyin uçotu: A-dan Z-yə” (II nəşr) kitabından seçmə

Əmək kitabçası ilə bağlı bir maraqlı məqam da Əmək Məcəlləsinin şamil olunmadığı şəxslərlə bağlıdır. Əmək Məcəlləsinin 6-cı maddəsində Məcəllənin şamil olunmadığı şəxslər müəyyən edilib. Məsələn, hərbi qulluqçular, məhkəmə hakimləri, Azərbaycan Respublikasının Milli Məclisinin deputatları və bələdiyyələrə seçilmiş şəxslər.

Mİsal. 20 il stajı olan hərbçi təqaüdə çıxdıqdan sonra özəl müəssisədə mühafizəçi vəzifəsinə qəbul edilir. Əmək kitabçası olmadığı üçün işçi arayış təqdim edir ki, 20 illik stajı var. Bu zaman işçiyə Əmək Məcəlləsinin 116-cı maddəsinə uyğun olaraq əlavə məzuniyyətin hesablanması nəzərdə tutulmayıb. Çünki Əmək Məcəlləsinin 116-cı maddəsinin ikinci hissəsində qeyd edilir ki, əmək stajına görə əlavə məzuniyyətin müddəti işçinin işəgötürənlə əmək müqaviləsi bağlayaraq faktiki olaraq işlədiyi dövrə əsasən müəyyən edilir.

Hərbçinin əvvəlki iş yerində işə qəbulu əmək müqaviləsinin bağlanması ilə həyata keçirilmədiyi üçün, 116-cı maddənin tələbləri ona şamil olunmayacaq.  Çünki hərbçi qulluq illərinə görə təminatını dövlətdən əldə edib.

Hal-hazırda satışı davam edən NƏŞRLƏRİMİZ