Nahar fasiləsinin maksimum müddəti necə müəyyən edilir?

Satışı davam edən “Əməyin uçotu: A-dan Z-yə” (II nəşr) kitabından seçmə

Əmək Məcəlləsində nahar fasiləsinin müddəti ilə bağlı hər hansı tələb qoyulmayıb. Mümkündür ki, bir işəgötürən nahar fasiləsini 2 saat müəyyən etsin, digər işəgötürən iş yerinin ərazisində yeməkxana təşkil etməklə həmin müdddəti 20 dəqiqəyə endirsin.

Əmək Məcəlləsinin 103-cü maddəsinin üçüncü hissəsinə əsasən, nahar fasilələrinin müddəti iş vaxtına daxil edilmədiyi üçün işçi üçün nahar fasiləsinin qısamüddətli olması sərf edir ki, iş vaxtı tez bitsin.

Qeyd edək ki, işçilərin əmək münasibətlərini tənzimləyən heç bir beynəlxalq konvensiyada nahar fasiləsinin konkret müddəti müəyyən edilməyib. Həmçinin, əmək qanunvericiliyində nahar fasiləsinin başlanma müddəti ilə bağlı tələb yoxdur. Əvvəllər belə bir yanlış fikir var idi ki, 4 saat ardıcıl işlədikdən sonra işçiyə nahar fasiləsi verilməlidir. Ancaq mümkündür ki, işəgötürən 3 iş saatından sonra nahar fasiləsi müəyyən etsin.

Hal-hazırda satışı davam edən NƏŞRLƏRİMİZ