Qisadılmış iş vaxtında işləyən işçilərə iş vaxtının cəmlənmiş uçotu necə tətbiq edilir?

Satışı davam edən “Əməyin uçotu: A-dan Z-yə” (II nəşr) kitabından seçmə

Əmək Məcəlləsinin 91-ci, 92-ci və 93-cü maddələrinə uyğun olaraq, işçilərin və ya iş yerlərinin xüsusiyyətinə görə işəgötürən mütləq qısadılmış iş rejimi tətbiq etməlidir. Maraqlıdır ki, iş vaxtının cəmlənmiş uçotunda qısadılmış iş vaxtı necə nəzərə alınmalıdır.

Mİsal.  İşəgötürən iş yerində iş vaxtının cəmlənmiş uçotunu tətbiq edir. Bu iş rejimində 2-ci qrup əlil də çalışır.  Əmək Məcəlləsinin 91-ci maddəsinin ikinci hissəsinə əsasən, həmin işçilər üçün qısadılmış iş vaxtının müddəti 36 saatdan artıq olmamalıdır.

2022-ci ilin istehsalat təqvimində həftəlik iş rejimi 40 saat olduğu halda illik 1921 saat iş norması müəyyən edib. Əlil işçi üçün illik iş normasını müəyyən etmək üçün, 1921 saatı (ilik iş norması) 36 saata (qisadılmış iş vaxtının müddəti) vurub, 40 saata (həftəlik iş vaxtı norması) bölməliyik.

Beləliklə, müəyyən edəcəyik ki, 2-ci qrup əlil işçi üçün illik iş norması

1 728,90 saat ((1921 saat x 36 saat (qısadılmış iş vaxtı) / 40 saat (normal iş vaxtı)) təşkil edir. İşəgötürən 2-ci qrup əlil işçi üçün 1921 saat müəyyən edərsə, o zaman əmək qanunvericiliyinin tələblərini pozmuş olacaq. O səbəbdən də, iş vaxtının cəmlənmiş uçotunda qisadılmış iş vaxtı ilə bağlı əmək qanunvericiliyini tələblərini diqqətdə saxlamaq lazımdır.

Hal-hazırda satışı davam edən NƏŞRLƏRİMİZ