Xasiyyətnamə necə tərtib olunur? (Nümünəvi forma)

Satışı davam edən “A-dan Z-yə: Kargüzarlıq” (IV nəşr) kitabından seçmə

Forma baxımından tələblərə gəlincə, mətndə işçinin adı, soyadı, atasının adı, vəzifəsi, işə qəbul olunduğu tarix mütləq əks etdirilməlidir. Qeyd etdiyimiz kimi xasiyyətnamənin xüsusi forması olmadığı üçün tərtibçi mətndə digər məlumatları da (məsələn, təhsili, ailə vəziyyəti) verməkdə sərbəstdir.

----------------------------------------------------------------------------------

Nümunə (baş mühasibə verilən xasiyyətnamə):

BLANK

XASİYYƏTNAMƏ

                Əhədov Sabir Şamil oğlu 10.10.2014-11.03.2019-cu tarixlərini əhatə edən dövrdə “Alov” MMC-də baş mühasib vəzifəsində işləyib. Əmək fəaliyyəti dövründə o, özünü intizamlı və məsuliyyətli işçi kimi təsdiq etməklə yanaşı, həm də təşəbbüskarlığı ilə seçilib və öz səlahiyyətləri daxilində mürəkkəb məsələlərlə bağlı düzgün qərarlar qəbul edib.

                Baş mühasib kimi daim normativ-hüquqi aktlardakı dəyişiklikləri izləyib və özünün peşəkar keyfiyyətlərinin yüksəldilməsi üçün mütəmadi müxtəlif təlim, seminar və konfranslarda iştirak edib.

                Korporativ norma və prinsiplərə əməl edən Sabir Əhmədov zəhmətkeşdir, yüksək əmək qabiliyyətinə malikdir. O, lazım gələndə işdən sonra çalışmaqla Cəmiyyətin çətin vaxtlarında ona öz işilə töhfə verməyə çalışıb.

                Sabir Əhədov işçilərinə münasibətdə də həmişə mehribançılığı, ünsiyyətcilliyi və etik davranış normalarına əməl etməsilə başqalarına örnək olub.

Direktor ________ Nüsrət Nəbili                               Tarix: ________

Hal-hazırda satışı davam edən NƏŞRLƏRİMİZ